Home

Currently 34 are online.      Date: 31-07-2010

Chiahpuam Sheme tha zawk chu

       Zoram mipuite sum peipunna diklo, ‘CHIAHPUAM’-ah kan buai em em mai hlawm a, hemi hian a lian a te, rethei leh hausa min chiah buai hle mai. Hlawkna lo tel hman pawh awm theih a ni. Amah erawh chu chu chuan nghawng enge a neih zel ang tih erawh ngaihtuah zui a ngai tho mai. A chiahpuamtu nge thiamlo, a chiahpuamna tih lam hi sawi tur tam tak awm mahse he lam hi chu kalsanin, innghahna tlakloh, chiahpuam tlaklohna hmun a chiahpuam ai chuan chiahpuam scheme tha, Lal Isua hnen a sum chiahpuamna thu hi tlem lo sawi ila,Mathaia 2:9-11 ah chuan  Khawchhak mifing ten thu rintlak tak puangtu Lalpa van tirhkoh hnen atangin Lal thar Isua a piang tih an hria a, an hna pawimawh te kalsanin,an ro hlu tak tak te an keng a, hun, tha leh tui sengin  Lal thar chibai buk turin an kal ta a, harsatna tam tak pawh an tawk thei tih an hria; mahse, an thu hriatna (Source) kha rintlak belh chian tlak anih tlat avangin Lal thar chibai buk tur chuan an kal ta a, ni engemaw zat hnuah Isua, Lal thar chu an hmu ta a,an Source hi a dik ngei a ni tih tah pawh hian alo lang a, Lalthar a piang a chumi kha mi hmunah chuan a awm tih an hriatna hmun ngeiah khan an hmuh duh leh chibai buk tur, rohlu tak tak an invest-na tur kha- an va hmu ta ngei a ni. Chu mi hnenah chuan an ro hluber ber, Rangkachak, beraw, leh Murra te an hlan ta, he an thil neih hlu tak tak, Chiahpum Bank-ah kan chiah puam ang hi an ni chuan chan ve hauh lo tur an ni tih hriatna nen, a let tam tak an dawng let ngei dawn tih hriain phal takin an hlan ta a ni(an chiahpuam ta/dahpung ta). Mifingte hian an thil, Isua hnena an thil hlan (chiahpuam-ah) hian a hnuah buaina an tawk ve lo, lungaihna tur an nei ve lo, hlim takin an hmun lam an pan a, midang te hmuh veloh leh hriatphak ve loh hretu, dawngtu, chiahpuamna tlak ngei a chiahpuam thei an ni chu an lawm hle mai, he an thu dawnna hi, Zoram chiahpuam thu hriltu te hrilh nen hi chuan a in rintlak hleih hle ani tih a chiang mai, tunah hian, i thu hriatna kha rin tlak, Pathian-in he Krismas lo thleng turah hian a hnenah i neih zawng zawng nen, nangmah ngei pawh Isua Krista Chiahpum Scheme tha leh rintlakah hian han chiahpuam ve rawh le. Lungaih aiah hlimna, nguina aiah lawmna alo siamsak zawk ang che.He hun tha hi bawhpelh hauh suh. I thu hriat hi rintlak Pathian nung, Lei leh van Lal ber, engkim chunga thuneitu thu chhuak ngei a ni e. He Scheme a tel tawh apiang chuan tam zawk chiahpuam tur an zawng a, midang pawh chiahpuam ve zel turin sawm an bang chuanglo. Zoram mipui tam zawk chiahpuamna hi chu ram pumpui tamna, tahna leh lungngaihna thlentu a ni. He scheme kan sawi hi chu a tel ve apiangin telvena chi anih an aupui zel a,midang pawh duhsak takin tel ve turin an sawm zel a ni. i tel ve duh em?,englai pawhin he Scheme a tel tur hian koh i ni e.