|
|
PATHIAN RAWNGBAWLNA LEH RIMAWI
-By K. Vanlalliana
(Chhiar tur: I Sam 16:22-23, I Chro 13:8, I Chro 16:5, Sam 150)
Music tih thumal hi Mizo tawng ni lo mah se mipui tam zawk chuan kan tawng ang maiin kan rilruah a thu awmzia leh a sawi tum awm chu kan hre theuh awm e. Amaherawhchu eng hnam pawh ni ila, he thumalin a sawi tum tak hre fiah tur hian ngun taka ngaihtuahna hman a tul hle awm e.
MUSIC chu Mizo tawng chuan RIMAWI tihna a ni ber mai awm e. Rimawi chu engnge? tiin lo inzawt leh ta ila, a ngaithlatu a zir te, mihring thuhmunah pawh kum upat dan a zir tein mawi kan tih zawngte hi a inthlakin, a inanglo thei viau awm e. Sava hram nak nak te, tui luang ri her her te, lung chher ri keuh keuhte pawh hi rimawi a ni thei a, chutih laiin mumal awm hlek lova khuang vuak rik vak vak te, naupang au ri nuaih nuaihte chu rimawi a ni hauh si lo.
|
|
|
HLAWK ZAWKA VAWK VULH
By KVL Liana Ran vulh lama kan mithiam zawkte leh degree nei sangte cho chhuah nan leh, vawk vulh hmanga sum hailuh tak tak duhte tana hlawkna pakhat tal anih beiseiin he thu hi ka han ziak e. Hlawk zawka vawk vulh dan tur hi tuna NLUP a vawk vulh thlangtute tan phei chuan thil pawimawh tak anih ngei ka beisei. Tuna Mizorama vawk vulhtu tam zawk hi chuan eizawnna atan ber vawk vulh hi hmang lovin, a kahpah deuhin, ningnawi ei raltu atan tih ang chauhin Vawk hi kan vulh a ni ber a. Chhungkaw pakhatin vawk pakhat atanga 3 bak kan vulh meuh lo. Kan vulh tlem em avangin hlawkpui tham tak tak lah a ni hek lo. Chumai ni lovin, eizawnna atan vawk vulh kan nih miau loh avangin a hlawk leh hlawk loh pawh chhut miah lovin tuna vawk vulhtu tam zawk hi chuan kan ningnawi mai bakah, kan chhungkaw ei ang apiang kan pe a ni ber a, kan fairel buhfai min tawm a, Atta, wheat vai leh Pig Feed nen, chaw tha ni a kan hriat apiang kan lei a, rethei deuh vawkin an ei chhe deuh a, hausa deuh vawkin an ei tha deuh mai niin a lang.
|
|
|
|
|
|
|
|